BACK

Gönguhugleiðsla er einföld, byggir á gömlum grunni og er mjög árangursrík. Hún er í boði sem grunnnámskeið og stök skipti. Gönguhugleiðslan fer oftast fram utandyra á höfuðborgarsvæðinu en einnig er hægt að stunda hana innandyra.

Öndun og ganga eru í raun grundvallarathafnir okkar tilveru og sem við framkvæmum oft án umhugsunar. Í gönguhugleiðslu eru þessar athafnir tengdar saman á markvissan og meðvitaðan hátt auk þess að stjórna hvert við beinum athyglinni.

Meðvituð öndun er þjálfuð í takt við gönguna og athyglinni er beint að mismunandi þáttum. Teknar eru hugleiðslulotur á göngu og einnig gerðar léttar æfingar á milli þess sem er gengið.  

Hægt að ná fram mismunandi áhrifum allt eftir því hver öndunartakturinn er og að hverju hugleiðslan beinist. Æfingarnar í hverjum tíma eru því breytilegar.

Áhrif gönguhugleiðslu

Orkan sem við fáum kemur bæði í magni og gæðum. Við finnum muninn á okkur þegar við búum yfir mikilli eða lítilli orku. Eins finnum við muninn þegar við búum yfir gæðaorku en þá er eins og öll okkar kerfi, líkamleg og andleg, komist í annan gír eða séu samstillt á nýjan hátt. Hugleiðsla gefur þessa gæðaorku eða lífsþrótt (vitality) og gönguhugleiðsla þar með. Áhrifin eru:

 - aukin líkamleg, andleg og tilfinningaleg heilsa
 - aukin orka
 - betra skap og betri stjórnun á skapsveiflum
 - aukinn skýrleiki, innsæi og athygli
 - nám og sköpun ganga betur
 - aukin tilfinning fyrir að vera í tengslum við sjálfan sig og umhverfið

Klæðnaður
Gengið er stutt og rólega á milli þess sem er stoppað og gerðar léttar æfingar. Það næst því tæplega að ganga sér til hita og því mikilvægt að vera í hlýjum og skjólgóðum fötum. Munið eftir húfu og vetlingum.

Verð
Klippikort 10 skipti: 8.000 kr. Hægt er að nota sama klippikort fyrir jógagöngur í vor og eru þá tvö "klipp" fyrir hverja göngu.
Stakt skipti 1.000 kr

Skráning
Á netfangið hronn@thinleid.is, í síma 899 8588 eða gegnum facebook-síðuna.