Skilti-autt-fullst.JPG
_MG_8008.jpg
Skilti-autt-fullst.JPG

Starfsráðgjöf


SCROLL DOWN

Starfsráðgjöf


TIL BAKA

Það er mikilvægt að hlakka til að mæta til vinnu og njóta þess sem þú gerir þar. Margir verja meiri tíma í að íhuga sumarfríið en starfsferilinn. Samt er hefðbundið sumarfrí hjá launþegum 3-6 vikur en vinnutíminn á ári um 45-48 vikur! Það er því eðlilegt að staldra reglulega við og skoða stöðuna á starfsferlinum og íhuga næstu skref. Þetta er mikilvægt hvort sem þú ert á réttri hillu eða ekki.

Námskeiðið "Þín leið á starfsferlinum": Á námskeiðinu gefst þér tækifæri til að íhuga stöðu þína eins og hún er í dag og hvaða stefnu þú ætlar að taka á næstunni. Fjallað er um starfsævina, hvað þú vilt fást við í starfi og frítíma og að hverju þú þarft að huga til að aðlagast breytingum. Þetta er stutt hagnýtt námskeið þar sem unnið er með markmið, ásetning, áhuga og framkvæmdaáætlun. Einnig rætt um styrkleika, hindranir, frestun og sjálfstraust. 

Dagskrá: fræðsla, markmiðasetning og áætlun, eigin ásetningur fundinn, umræður og jóga nidra.

Tími:   Námskeiðið stendur í 3 klukkustundir: 
           Námskeið 1:    23. september 2017, kl. 13.00 - 16.00    
           Námskeið 2:    14. október 2017, kl. 13.00 - 16.00
           Námskeið 3:     11. nóvember 2017, kl. 13.00 - 16.00
Námskeiðshaldari: Hrönn Baldursdóttir, náms- og starfsráðgjafi

Verð:  Verð 8.000 kr.

Skráning: hronn@thinleid.is 

_MG_8008.jpg

Áhugasviðskannanir


Áhugasviðskannanir


TIL BAKA

Áhugasviðskannanir gefa okkur góðar upplýsingar um okkur sjálf og óskir varðandi störf. Þær gagnast vel þegar einstaklingur stendur frammi fyrir vali á starfssviði og/eða námsleið. Með meiri upplýsingar erum við líklegri til að taka betri ákvarðanir varðandi náms– og starfsferilinn.

Áhugasviðskannanir gagnast sérstaklega vel til að veita okkur fleiri hugmyndir um störf sem koma til greina fyrir okkur eða til að afmarka og þrengja val á námi og störfum. Þær henta þannig bæði fyrir þá sem hafa fáar hugmyndir eða of margar hugmyndir um hvað kemur til greina.

Notast er við þrjár gerðir áhugasviðskannana á íslensku og aðstoðar ráðgjafi við að velja hver hentar best fyrir hvern og einn. Þær heita Bendill, Í leit að starfi og Strong.

Viðtöl: Að taka áhugasviðskönnun: komið er í tvö viðtöl. Niðurstöður og leiðbeiningar um áframhaldandi úrvinnslu eru afhendar í seinna viðtali.

Einnig hægt að koma með eldri niðurstöður fyrir þá sem hafa tekið áhugasviðskönnun áður og rýna í þær.