jógagöngur.jpg
_MG_7820.jpg
jógagöngur.jpg

síðdegisgöngur


SCROLL DOWN

síðdegisgöngur


TIL BAKA

Síðdegisgöngur með jóga 

Jóga í náttúrunni er frábært til að leiða hugann inn á við um leið og þú tengist betur við jörðina og náttúruna. Ef við viljum hugsa út fyrir boxið þá er það auðveldara ef við FÖRUM út fyrir boxið og förum út úr húsi.

Við erum ein heild og til að efla eigið þor og viljastyrk þá þarf líka að efla og styrkja líkamann. Hreyfing líkamans hjálpar okkur að koma hreyfingu á verkefni og markmið. Að breyta um staðsetningu hjálpar okkur að sjá nýjar hliðar á málum og nýja möguleika.

Á vorin og haustin eru styttri jógagöngur í boði á fimm vikna tímabili og mismunandi þema í  hverri göngu úr verkfærakistu jóga og starfsráðgjafarfræðanna. Gengið er á mismunand stöðum tvisvar sinnum í viku. Hægt er að velja að koma í 5 eða fleiri göngur af þeim 10+ sem verða í boði. Takmarkaður fjöldi í heildina.

Ávinningur þinn er að þú:

  • nýtur náttúrunnar og útiveru

  • iðka jóga oftar úti

  • leiðir hugann oftar að eigin stefnu og ásetningi

  • færð meiri næðitíma fyrir þig og hvíld frá síma og neti

Komið er á eigin bílum að upphafsstað göngu.
Hundar henta ekki með í jógagöngurnar. 

 

Síðdegis-Jógagöngur 2019

6. Maí - 12. júní (fyrir utan rauða daga):

  • Jógagöngur - Útijóga Mánudagar, kl. 17.30 - 20.00

    Gönguhraði er um 3,5 km/klst og frekar lítil hækkun. Flestar göngurnar eru 5-6 km.

    • Búrfellsgjá - Jóga fyrir jarðtengingu og að sleppa.

    • Esjuhlíðar (lítil hækkun) - Jóga fyrir sköpunargleði og innsæi.

    • Kaldársel og hjá Helgafelli - Jóga fyrir viljastyrk og stefnu.

    • Helgafell í Mosfellsbæ - Jóga fyrir sjálfsumhyggju og samhljómi.

    • Helgufoss - Jóga fyrir staðfestu og úthaldi.

  • Jógagöngur - Útijóga Miðvikudagar, kl. 18.30 - 21.00

    Gönguhraði er um 4 km/klst og oftast einhver hækkun. Flestar göngurnar eru um 6 km.

    • Esjuhlíðar (um 300 m hækkun) - Jóga fyrir jarðtengingu og að sleppa.

    • Gengið á Helgafell í Hafnarfirði - Jóga fyrir sköpunargleði og innsæi.

    • Búrfell og að Valabóli - Jóga fyrir viljastyrk og stefnu.

    • Einbúi - Jóga fyrir sjálfsumhyggju og samhljómi.

    • Tröllafossi - Jóga fyrir staðfestu og úthaldi.

    • Gengið að Borgarvatni og Þverfelli - Jóga fyrir staðfestu.

Nánar:
Í Gengið á grófum stígum og stundum ógreinilegum slóðum. 
Léttar teyjur, jógastöður, öndunaræfingar og hugleiðslur eru gerðar í byrjun og lok göngu og einnig í pásum á gönguleiðinni.
Þemu sem fjallað er um: Núverandi staða – sleppa því gamla – finna stefnu – öryggi og ákveðni – styrkur og úthald – að ná takmarki.

Nánari upplýsingar um staðsetningu og útbúnað við skráningu á sérstökum facebook-hópi “Jógagöngur - vor 2019”.

Skráning og verð:
VERÐ Í MAÍ - JÚNÍ:
5 göngur: 9.000 kr.
10 göngur: 15.000 kr.
Ekki stakar göngur í boði í vor. (Ef einhver klárar 10 göngur er 11 gangan innifalin. Ef einhver klárar 5 göngur, kostar hver viðbótarganga 1.500 kr.)

Skráning í síma 899 8588, á netfangið hronn@thinleid.is eða í skilaboðum á facebooksíðu Þín leið.

7. - 10. maí morgun-jógagöngur í eina viku - frítt

  • Morgun-Jógagöngur, kl. 7.00 - 8.30

Gengið er á Úlfarsfell á grófum slóðum á hverjum morgni í 4 daga, frá þriðjudegi til föstudags. Á toppnum eða nærri honum eru gerðar sólarhyllingar, stutt slökun og hugleiðsla. Miðað er við að vera komin til baka að byrjunarpunkti um kl. 8.30.

Þema vikunnar er að sleppa því gamla (t.d. vetrinum eða vana) og rýma fyrir því nýja sem þú vilt sjá á næstu vikum. Mismunandi leidd hugleiðing um þetta þema á hverjum morgni og hugvekja fyrir daginn.

Frekar röskar göngur. Heildar vegalengd er um 4-5 km í hvert skipti og gönguhraði um 4 - 4,5 km/klst. Ekki hentar að taka hunda með. Í þessar göngur má mæta án skráningar á upphafsstað hjá ———————. Nánari upplýsingar á facebook-síðunni “Jógagöngur - Þín leið” þegar nær dregur.

—————————————————————————————————————————————————————————
Langoftast viðrar ágætlega til útiveru en ef Veðurstofan gefur úr gula, appelsínugula og rauða viðvörun FYRIR HÖFUÐBORGARSVÆÐIÐ þá fellur jógagangan niður.

_MG_7820.jpg

Dagsferðir


Njótum náttúru og kyrrðar

Dagsferðir


Njótum náttúru og kyrrðar

ÚTIJÓGA - NÆRING - HEILSA
Jóga-dagsgöngur 2019:

Dagskrá:  Nokkrar dagsgöngur eru á dagskrá yfir árið og taka flestar um 4 klukkustundir. Farið er á eigin bílum og möguleiki að sameinast í bíla. Hægt er að koma í stakar göngur eða kaupa klippikort með 5 og 10 göngum. Það er ákveðin hvatning fólgin í því að skuldbinda sig oftar og meiri líkur á að koma sér út.  

Dagskrá: 

  • 4. maí Hestfjall - Brúará - Þingvellir. Rútuferð með stuttum göngum og jóga.

  • 15. júní Höskuldarvellir og Spákonuvatn. Farið á eigin bílum.

  • 24. ágúst Hengilsvæðið; Dyradalur, Sporhellan og Háhryggur. Farið á eigin bílum.

Ávinningur þinn: 

  • Ganga og leiðsögn um ýmis göngusvæði

  • Jóga í nátttúrunni

  • Fræðsla og leiðbeiningar um hugleiðslu, öndun og slökun

  • Fræðslupunktar til sjálfseflingar og stefnumótunar

Skráning  í síma 899 8588 og í tölvupósti til: hronn@thinleid.is

Umsjón með göngunum: Hrönn Baldursdóttir jógakennari, leiðsögumaður og náms- og starfsráðgjafi.

Jóga: Í hverri göngu verða gerðar ýmsar jógastöður, öndunaræfingar, hugleiðslur,gönguhugleiðslu og slökun. Ýmist er farið í hatha-jóga eða kundalinijóga (skv forsrift Yogi Bhajan). Æfingarnar henta bæði byrjendum og lengra komnum og ekki nauðsynlegt að vera liðug.

Útbúnaður:  Hlý og skjólgóð föt, gönguskór, vetlingar og höfuðfat. Teppi til að sitja eða liggja á í æfingum og slökun. Vatn, nesti og heitur drykkur. Nánari upplýsingar eru veittar við skráningu og fyrrir hverja göngu.

Annað: Hundar henta ekki með í göngurnar.

Verð:  Stök 4-5 tíma ganga kostar 4.000 kr. / Rútuferðin 4.maí kostar 10.500 kr.

Hikið ekki við að hafa samband með spurningar og vangaveltur um sérþarfir eða annað.

Ferðirnar og sérferðir: Hafðu samband ef þú vilt vita meira um göngurnar eða panta sérsniðna ferð fyrir hópa og sérstök tækifæri.