_ForsíðaMG_7845.jpg
_MG_8008.jpg
Lambaskhólar.JPG
Fimmvorduhals2014.jpg
_ForsíðaMG_7845.jpg

Hálendisgöngur


SCROLL DOWN

Hálendisgöngur


TIL BAKA

Þín leið í óbyggðum 

Í hálendiskyrrðinni kemstu nær þínu innra sjálfi, ferð aðeins út fyrir þægindahringinn en upplifir ró, kyrrð og íhugun. Mikil streita og álag fylgir oft daglegu lífi og því er nauðsynlegt að passa vel uppá eigin heilsu, bæði þá líkamlegu og andlegu. Gönguferðir í óbyggðum eru frábært tækifæri til að vinda ofan af sér eftir annasaman vetur og hlaða batteríin upp á nýtt. 

Leiðirnar:  Gengið er um fallegar, kyrrlátar og fáfarnar slóðir. Farið er á milli skála með búnaðinn á bakinu og gengið frá stað A til B. Einnig er hægt að panta sérferðir þar sem gist er á sama stað, gengið milli skála með trússi eða gengið með tjöld. 

Jóga í ferðunum: farið í jóga á morgnana áður en göngurnar hefjast fyrir þá sem vilja. Á göngunni verður jóga-, hugleiðslu- og slökunarstopp að minnsta kosti tvisvar sinnum fyrir utan hefðbundnar pásur. Einnig verður farið í jóga á kvöldin eftir göngu dagsins. 

Veðrið á Íslandi er skemmtilega breytilegt og því gefast tækifæri til jógaiðkunnar á hverjum degi. Jóga er fjölbreytt og því er hægt að aðlaga það breytilegum aðstæðum. Oftast viðrar vel fyrir sitjandi og liggjandi æfingar en annars eru gerðar standandi æfingar. Alltaf er hægt að gera öndunaræfingar, hugleiðslu eða gönguhugleiðslu. Byrjendur jafnt sem vanir geta notið æfinganna sem koma bæði úr hatha-jóga og kundalini-jóga.

To discover yourself you have to leave the city of your comfort and go into the wilderness of your intuition.
What you'll discover will be wonderful. What you'll discover is yourself. - Alan Alda

_MG_8008.jpg

sólstöðu-jógaganga um Þjórsárdal og Hruna


sólstöðu-jógaganga um Þjórsárdal og Hruna


SÓLSTÖÐU-JÓGAGANGA UM ÞJÓRSÁRDAL OG HRUNA
21. - 24. JÚNÍ 2019

Nærandi - Styrkjandi - Slakandi

gönguferð milli skála, með trússi; ganga, jóga, HUGLEIÐSLA OG SLÖKUN

Þessi ganga leiðir okkur um perlur Þjórsárdals, um Hrunakrók og niður með Stóru-Laxá. Gist er í skálum á leiðinni og er farangur trússaður á milli þeirra. Leiðin er mjög gróin, víðast hvar fáfarin og því góð til að njóta jóga og kyrrðar.

Gönguferðin er frábært tækifæri til að vinda af sér streitu og spennu eftir veturinn og hlaða batteríin upp á nýtt. Mikilvægt er að dvelja reglulega í náttúrunni, finna kyrrð, njóta þagnar og passa þannig upp á andlega og líkamlega heilsu.

Einnig er hollt að fara reglulega út fyrir þægindarammann og inn í víðáttu óbyggðanna. Þar finnurðu næði til að hlusta á eigin hugsanir og víðáttuna hið innra. 

Í ferðinni er stoppað er á ýmsum stöðum fyrir jóga, slökun og hefðbundin nestisstopp. Lögð er áhersla á þægilegan gönguhraða.

LEIÐIN:  
Dagur 1:  Reykjavík – Þjórsárdalur – Háifoss, 9 km, 280 m aflíðandi hækkun.
Dagur 2:  Hólaskógur – Gjáin – Klettur, 14 km, 150 m lækkun og 40 m hækkun
Dagur 3:  Klettur – Hallarmúli, 14 km, 350 m hækkun og 150 m lækkun
Dagur 4:  Hallarmúli – Skillandsá – Stóra-Laxá – Reykjavík, 15 km, 350 m lækkun.

NÁNARI LÝSING: 
Fyrsti dagur: Rúta keyrir hópinn frá Reykjavík inn í Þjórsárdal og að Stöng. Þaðan er gengið inn með Fossá og upp með gljúfrinu að Háafossi og Granna en Háifoss er næst hæsti foss landsins. Þar bíður rúta sem keyrir okkur að Hólaskógi þar sem gist verður. Farin verður kvöldferð í Gjánna til að eiga ljúfa sólstöðu-jógastund. Göngutími 6 klst.

Annar dagur: Frá Hólaskógi liggur leiðin niður með Rauðá, um Gjána og að Stöng. Áfram er haldið þvert yfir norðanverðan Þjórsárdal þar sem sjá má gervigíga og ummerki um eldsumbrot. Þjórsárhraunið sem rann fyrir um 8000 árum er stærsta hraun sem runnið hefur á jörðinni eftir ísöld og gos í Heklu lagði dalinn nánast í eyði 1104. Gengið er framhjá heitri laug og hverasvæði á leið að skálanum Kletti. Á leiðinni þarf að vaða nokkra litla létta læki sem ná í mesta lagi neðanverða kálfa. Ferðatími dagsins er um 6 klst.

Þriðji dagur: Eftir jóga og morgunmat er haldið af stað upp frá Kletti meðfram Grjótárgljúfri og upp með Grjótá. Áfram liggur leiðin um heiðanna ró og svo niður með Skillandsá og að Hallarmúla þar sem gist verður þriðju nóttina. Kvöldganga með Skillandsá og jóga í náttúrufegurðinni. Ferðatími um 5 tímar.

Fjórði dagur: Gegnið eftir Skillandsá uns hún rennur í Stóru-Laxá hjá Hrunakrók. Áfram er gengið niður með Stóru-Laxá í fagurgrænu umhverfinu áleiðis að þeim stað sem rútan bíður þess að aka okkur til Reykjavíkur. Feðatími 7 klst.

Lagt er af stað frá Reykjavík kl. 8 á föstudegi og komið til baka um kl. 18 á mánudegi. Fyrirvari er gerður um stöku breytingar ef þörf er á vegna veðurs eða annarra þátta.

JÓGA Í FERÐINNI:  Á hverjum morgni er boðið upp á morgunjóga og síðan morgunverð að því loknu. Jóga-, öndunar-  og hugleiðsluæfingar verða gerðar yfir daginn og slökun þar sem tækifæri býðst. Einnig verður farið í jóga á kvöldin. Veðráttan á Íslandi er skemmtilega breytileg og því gefast alltaf tækifæri til jógaiðkunnar á hverjum degi. Jóga er fjölbreytt og því er hægt að aðlaga það breytilegum aðstæðum. Gerðar eru standandi æfingar ef þannig viðrar en oft viðrar vel fyrir sitjandi og liggjandi æfingar. Öndunaræfingar og hugleiðslu er svo hægt að gera í öllum veðrum. Jógaganga þarf hvorki að vera erfiðari né léttari en aðrar göngur.

Æskilegt er að þátttakendur hafi einhverja reynslu af jóga. Jóga í ferðinni er ýmist hatha-jóga, Raja-jóga eða Kundalini-jóga eftir forskrift Yogi Bhajan.

Auk jógaiðkunnar verður ýmsum fróðleik miðlað um jóga, náttúruna, sögu landsins og um aðferðir sem efla núvitund, lágmarka streitu og auka innri styrk.

ÚTBÚNAÐUR OG MATUR:  Göngufatnaður, hlífðarfatnaður og gönguskór. Svefnpoki og lítill dagpoki fyrir gönguferðir. Gengið er með dagpoka og annar farangur fluttur í trússi milli skála. Vanda þarf pökkun því takmarkað pláss er í skálum en nánar verður farið í útbúnað á undirbúningsfundi og þátttakendur fá ítarlegan útbúnaðarlista. 

Kvöldverður öll kvöldin og morgungrautur alla morgna í ferðinni eru innifalin (vegan og glúteinlaust fæði) en hver og einn kemur með hádegisnesti og nasl fyrir daginn að eigin smekk og er jógafæði ekki skilyrði :) .

VERÐ:  93.000 kr. m.vsk. Staðfestingargjald, 10.000 kr. greiðist við skráningu. Ganga þarf endanlega frá greiðslu 10 vikum fyrir ferðina.

VERÐSKILMÁLAR: Afboðun og endurgreiðslur: Endurgreitt er 50% af verði ef afbókað er meira en 8 vikum fyrir brottför. Ef afbókað er 4 vikum eða minna fyrir brottför er ekki endurgreitt.

ÁBYRGÐ OG BREYTINGAR: Farþegar eru ekki tryggðir né farangur sem týnist, gleymist eða skemmist. Ekki er borin ábyrgð á breyttri ferðatilhögun vegna ytri áhrifa sem ferðaskrifstofan ræður ekki við. Farþegar skulu fara að fyrirmælum leiðsögumanns.

Lágmarksfjöldi til að ferð sé farin eru 7 og hámarksfjöldi eru 15 farþegar.

INNIFALIÐ: 

  • Rúta og leiðsögn

  • Gisting í skálum í svefnpokaplássi

  • Morgun- og kvöldverður alla ferðina (veganfæði, glúteinlaust)

  • Jóga í ferðinni

  • Leiðbeiningar um hugleiðslu, öndun og slökun

  • Umfjöllun um sjálfseflingu og eigin stefnu

  • 25% afsláttur af síðdegisjógagöngum og gönguhugleiðslu á árinu

LEIÐSÖGN: Leiðsögn og jóga í ferðinni: Hrönn Baldursdóttir jógakennari og gönguleiðsögumaður.
Lögð er áhersla á ferðaöryggi og að leisögumenn hafi lokið námskeiðinu “Fyrstu hjálp í óbyggðum".

SKRÁNING:  í síma 899 8588 eða í tölvupósti til hronn@thinleid.is
Hikið ekki við að hafa samband með spurningar og vangaveltur um sérþarfir eða annað.

Lambaskhólar.JPG

jógaferð um Fjallabak


Upplifðu víðáttu eigin innsæis

jógaferð um Fjallabak


Upplifðu víðáttu eigin innsæis

Jógaferð um Fjallabak
25. - 28. júlí 2019

Rútuferð með jóga, sjálfseflingu og gönguferðum 

Farið er með rútu frá Reykjavík austur á bóginn og inn á Fjallabaksleið syðri að Mælifelli og Strút þar sem gist verður fyrstu nóttina. Því næst er farið um Fjallabaksleið nyrðri með viðkomu í Eldgjá og víðar áður en haldið er til Landmannalauga. Gengið er í Landmannalaugum  og síðan haldið að Landmannahelli þar sem gist er síðustu nóttina. 

Rútan fylgir hópnum allan tímann. Stoppað er á ýmsum stöðum fyrir jóga, gönguferðir, slökun og hefðbundin nestisstopp. Lögð er áhersla á þægilegan gönguhraða þegar gengið er.

Mikil streita og álag fylgir daglegu lífi hjá mörgum og því er nauðsynlegt að passa vel uppá andlega og líkamlega heilsu. Hálendið er frábær vettvangur til að vinda ofan af sér streitu eftir annasaman vetur og hlaða batteríin upp á nýtt, staldra við og íhuga eigin stefnu. Frábær leið til þess er að draga sig út úr daglegu amstri, fara út fyrir þægindarammann og inn í víðáttu óbyggðanna. Þar finnurðu næði til að hlusta á eigin hugsanir og víðáttuna hið innra. 

LEIÐIN:  
Dagur 1:  Reykjavík – Fjallabaksleið syðri – Strútslaug
Dagur 2:  Strútsskáli – Syðri-Ófæra og Álftavötn – Eldgjá
Dagur 3:  Landmannalaugar – Gengið í Landmannalaugum – Landmannahellir
Dagur 4:  Landmannahellir – Löðmundur – Rauðufossar – Reykjavík

NÁNARI LÝSING: 

Fyrsti dagur: Keyrt er frá Reykjavík inn Fljótshlíðina, að Markarfljótsgljúfri og inn á Laugaveginn, gönguleiðina vinsælu. Þar keyrum við framhjá Hattfelli, Stórkonufelli, Stórusúlu og yfir Bláfjallakvísl. Á leiðinni verður stoppað á vel völdum stöðum til að njóta umhverfisins, kyrrðarinnar og jóga. Næst er haldið inn á Mælifellssand með Kaldaklofsfjöllin og Torfajökul á aðra hönd og Mýrdalsjökul á hina. Leiðin liggur að Mælifellinu fagra og að Strútsskála þar sem gist verður fyrstu nóttina. Farangrinum er komið fyrir í skálanum og síðan haldið í göngu að Strútslaug þar sem verður jóga og svo slökun í lauginni.   

Ganga dagsins: um 12 km, um 2 klst hvora leið að og frá lauginni.

Annar dagur: Áfram er ekið um Mælifellssand og einnig staldrað þar við til að upplifa víðáttuna. Haldið er framhjá Svartahnúksfjöllum og síðan gengið frá Álftavötnum, meðfram og yfir Syðri-Ófæru að Lambaskarðshólum. Vaða þarf yfir Syðri - Ófæru sem nær yfir hné og eftir það er jóga og slökun í dásamlegum hamrasal. Slóðin sem gengið er eftir er mjög skýr og troðin. Þetta er frekar auðveld ganga meðfram mosavöxnu hrauninu og með lítilli hæðabreytingu. Eftir gönguna er ekið inn á Fjallabaksleið nyrðri stuttan spöl og síðan gengið meðfram Nyrðri-Ófæru um fallegt hraun sem rann úr Eldgjá um 934. Gengið er um Eldgjá og staldrað við í hugleiðslu og slökun hjá einum af grónu gígunum þar áður er haldið er áfram. Leiðin liggur áfram um Fjallabak m.a. hjá Skuggafjöllum, Grænafjalli, Kýlingavatni, Barmi og að því loknu haldið inn í Landmannalaugar þar sem hægt er að slaka á í lauginni. Kvöldganga í boði fyrir áhugasama. (í ágúst verður hugsanlega gist í Hólaskjóli)

Ganga dagsins: um 7 km (3 klst. með jógastoppi) frá Álftavötnum og um 5 km í og við Eldgjá, alls um 12 km. 

Þriðji dagur: Eftir jóga og morgunmat er haldið af stað í göngu eftir Laugahrauninu og að upptökum þess í Brennisteinsöldu. Þaðan er gengið inn að Námskvíslinni, yfir hana og um Suðurnámur en þaðan er frábært útsýni að Háöldu, Brennisteinsöldu, Bláhnúk og litadýrð Landmannalaugasvæðisins. Að göngunni lokinni er haldið af stað með rútunni framhjá Frostastaðavatni, um Dómadalsleið inn að Landmannahelli með viðkomu hjá gígvötnum, hraunum og lautum. 

Ganga dagsins: alls um 10 - 12 km á 6 - 7 klst. 

Fjórði dagur: Frá skálanum er gengið á Löðmund sem er 1079 m hár en hækkunin er 480 m. Göngutíminn er um 3-4 klst. Eftir gönguna er haldið af stað með rútunni að Rauðufossum þar sem rölt er upp að fossinum stuttan spöl. Áfram er haldið um Dómadalsleið norðan við Heklu og að lokum í suðvestur frá Rangárbotnum, meðfram Ytri-Rangá og til Reykjavíkur. 

Ganga dagsins: um 7 - 8 km á Löðmund (4 - 5 klst) og um 2 km hjá Rauðufossum, alls um 10 km. 

Fyrirvari er gerður um stöku breytingar ef þörf er á vegna veðurs eða annarra þátta.

JÓGA OG FRÆÐSLA Í FERÐINNI:  Á hverjum morgni er boðið upp á morgunjóga og síðan morgunverð að því loknu. Jóga-, öndunar-  og hugleiðsluæfingar verða gerðar yfir daginn og slökun þar sem tækifæri býðst. Einnig verður farið í jóga á kvöldin. Veðráttan á Íslandi er skemmtilega breytileg og því gefast alltaf tækifæri til jógaiðkunnar á hverjum degi. Jóga er fjölbreytt og því er hægt að aðlaga það breytilegum aðstæðum. Gerðar eru standandi æfingar ef þannig viðrar en oft viðrar vel fyrir sitjandi og liggjandi æfingar. Öndunaræfingar og hugleiðslu er svo hægt að gera í öllum veðrum. Byrjendur jafnt sem vanir geta gert æfingarnar sem koma bæði úr hatha-jóga og kundalini-jóga.

Jógafræðsla og sjálfsefling: Í ferðinni verður miðlað ýmsum fróðleik um jóga eins og áhrifum af hinum ýmsu hliðum jógaiðkunar, jógaheimspeki og lífsstíl. Kenndar eru og æfðar aðferðir sem efla með þér núvitund, vinna gegn streitu og efla og viðhalda innri styrk.

ÚTBÚNAÐUR OG MATUR:  Göngufatnaður, hlífðarfatnaður og gönguskór. Svefnpoki og lítill dagpoki fyrir gönguferðir. Gengið er með dagpoka og annar farangur tekinn í rútuna. Vanda þarf pökkun því takmarkað pláss er í skálunum en nánar verður farið í útbúnað á undirbúningsfundi og þátttakendur fá ýtarlegan útbúnaðarlista yfir útbúnað, föt og nasl. 

Kvöldverður og morgungrautur eru innifalin en hver og einn kemur með hádegisnesti og nasl fyrir daginn að eigin smekk og er jógafæði ekki skilyrði :) .

INNIFALIÐ:

  • Leiðsögn og rúta sem er með hópnum allan tímann

  • Gisting í svefnpokaplássi í skálum að Fjallabaki

  • Vel útilátnar vegan og glúteinlausar máltíðir öll kvöldin og morgungrautur, fræ og rúsínur alla morgna

  • Jóga í náttúrunni á morgnana, yfir daginn og kvöldin

  • Fræðsla um jóga, jógaheimspekina og jógalífsstíl

  • Hugvekjur um starfsánægju

  • Markmiðablöð til sjálfseflingar og stefnumótunar

  • 25% afsláttur af viðtali í náms- og starfsráðgjöf á árinu

VERÐ og AFSLÁTTUR:  135.000 kr. m.vsk. Staðfestingargjald, 10.000 kr. greiðist við skráningu. Ganga þarf endanlega frá greiðslu 10 vikum fyrir ferðina.

  • Snemmskráning: 5% afsláttur fæst af ferð ef skráning á sér stað fyrir 10. mars (-6.750 kr)

  • Fullgreiðsluafsláttur: 5% ef ferð er greidd upp fyrir 2. apríl (-6.750 kr)

  • Verð með báður afsláttur er 121.500 kr.

SKILMÁLAR: Afboðun og endurgreiðslur: Endurgreitt er 50% af verði ef afbókað er meira en 8 vikum fyrir brottför. Ef afbókað er 4 vikum eða minna fyrir brottför er ekki endurgreitt.

ÁBYRGÐ OG BREYTINGAR: Farþegar eru ekki tryggðir né farangur sem týnist, gleymist eða skemmist. Ekki er borin ábyrgð á breyttri ferðatilhögun vegna ytri áhrifa sem ferðaskrifstofan ræður ekki við. Farþegar skulu fara að fyrirmælum leiðsögumanns.

Lágmarksfjöldi til að ferð sé farin eru 8 og hámarksfjöldi eru 16 farþegar.

Skráning  í síma 899 8588 eða í tölvupósti til hronn@thinleid.is

Leiðsögn, jóga og fræðsla:
í ferðinni í júlí: Hrönn Baldursdóttir jógakennari, leiðsögumaður og náms- og starfsráðgjafi.

Lögð er áhersla á ferðaöryggi og hafa leisögumenn lokið námskeiðinu “Fyrstu hjálp í óbyggðum".
Hikið ekki við að hafa samband með spurningar og vangaveltur um sérþarfir eða annað.

Fimmvorduhals2014.jpg

Fimmvörðuháls


Jógaferði yfir Fimmvörðuháls

Fimmvörðuháls


Jógaferði yfir Fimmvörðuháls

FIMMVÖRÐUHÁLS - JÓGAGANGA
6. - 8. SEPTEMBER 2019

Eflandi - Styrkjandi - Slakandi

GÖNGUFERÐ YFIR FIMMVÖRÐUHÁLS FRÁ SKÓGUM Í BÁSA

LEIÐIN:  
Dagur 1:  Reykjavík – Skógar – Fimmvörðuskáli, 14 km, 1036 m hækkun.
Dagur 2: Fimmvörðuskáli – Básar, 11 km, 886 m lækkun
Dagur 3:  Básar – Reykjavík, 5 km

NÁNARI LÝSING: 
Fyrsti dagur: Lagt er af stað með rútu frá Reykjavík kl. 8 á föstudegi og að Skógum. Um hádegi er gengið af stað upp í Fimmvörðuskála þar sem gist er og á leiðinni sjáum við fádæma falleg fossaröð frá byrjun göngunnar til enda. Frá göngubrú yfir Skógá sem er í 600 m hæð er haldið eftir Skógá-vestari þar sem enn fleiri fossar verða á leið okkar og færri hafa séð. Mikill gróður er á fyrri hluta leiðarinnar sem fer smám saman þverrandi uns hann hverfur nær alveg. Njótum þess síðan að dvelja uppi á Fimmvörðuhálsi á milli Eyjafjallajökuls og Mýrdalsjökuls í svart-hvítu umhverfinu.

Vegalengd er 14 km, hækkun um 1050 m. og ferðatími um 6 klst. með pásum (jóga og nesti).

Annar dagur: Haldið er af stað frá skálanum og nú liggur leiðin um nýja hraunið frá 2010 og framhjá Magna og Móða. Fljótlega förum við að lækka hæðina þegar við höldum niður í átt að Básum. Í góðu skyggni er hérna dásamlegt útsýni yfir Þórsmörkina og í átt að Fjallabaki. Nú göngum við úr gróðurauðninni inn í mikið og fallegt gróðurlendi og í allt annað landslag. Við njótum leiðarinnar og höfum hraða eftir því hvað hentar því við höfum nægan tíma. Komið í skála um kaffi/te-leitið og komum okkur fyrir og slökum á í fallegu umhverfi Bása.

Vegalengd er 11-12 km, lækkun um 900 m. og ferðatími um 6-7 klst. með pásum (jóga og nesti).

Þriðji dagur:  Vöknum rólega og eigum stutta jógastund fyrir morgunmat. Höldum síðan í um 3 tíma göngu inn eftir Goðalandi og könnum framandi staði ásamt því að eiga ljúfa jógastund. Höldum heim á leið eftir hádegi og komum í bæinn um kl. 18.

Vegalengd er um 8 km, hæðabreyting um 100 m.

JÓGA Í FERÐINNI:  Á morgnana njótum við þess að fara út í tært morgunloftið og fylla okkur orku með jóga og öndun. Yfir daginn stoppum við síðan þar sem hentar og gerum ýmsar jógaæfingar, hvort sem það eru jógastöður, öndunaræfingar eða hugleiðslur. Gott slakandi jóga er svo á kvöldin. Veðráttan á Íslandi er skemmtilega breytileg og því gefast alltaf tækifæri til jógaiðkunnar á hverjum degi. Jóga er fjölbreytt og því er hægt að aðlaga það breytilegum aðstæðum.

Gott er ef þátttakendur hafa einhverja reynslu af jóga en það er ekki nauðsynlegt. Jógað í ferðinni er hatha-jóga, Kundalini-jóga eftir forskrift Yogi Bhajan og Yoga Nidra.

Auk jógaiðkunnar verður spjall og hugleiðingar um tengsl okkar við náttúruna, rætur okkar, vana og hvernig við sækjum okkur innri styrk.

ÚTBÚNAÐUR OG MATUR:  Göngufatnaður, hlífðarfatnaður og gönguskór. Svefnpoki og lítill dagpoki fyrir gönguferðir. Gengið er með dagpoka og svefnpoka og nesti fyrir göngudagana tvo. 

VERÐ:  45.900 kr. m.vsk. Staðfestingargjald, 10.000 kr. greiðist við skráningu. Ganga þarf endanlega frá greiðslu 8 vikum fyrir ferðina. Afsláttur, 5.000 kr ef ferð er greidd upp 3.júlí eða fyrr.

LEIÐSÖGN: Leiðsögn og jóga í ferðinni: Hrönn Baldursdóttir jógakennari og gönguleiðsögumaður.
Lögð er áhersla á ferðaöryggi og að leisögumenn hafi lokið námskeiðinu “Fyrstu hjálp í óbyggðum".

SKRÁNING:  í síma 899 8588 eða í tölvupósti til hronn@thinleid.is
Hikið ekki við að hafa samband með spurningar og vangaveltur um sérþarfir eða annað.

Fyrirvari er gerður um stöku breytingar ef þörf er á vegna veðurs eða annarra þátta.