TIL BAKA 

Hugleiðslunámskeið

Hugleiðslunámskeið fyrir byrjendur og lengra komna, 2. - 30. nóvember 2019
Laugardagar kl. _____ fyrir hádegi í klukkustund í senn  (5 skipti)

Á námskeiðinu verða kennd grunnatriði hugleiðslu og fjallað um ávinning af því að hugleiða. Ýmsar tegundir af hugleiðslum verða kynntar og æfðar og má þar nefna: hugleiðslur í þögn - hugleiðslur með möntrum, bæði upphátt og í hljóði - hugleiðslur með öndun - leiddar hugleiðslur með sjónsköpun - og einnig hugleiðslur með ýmsum hreyfingum en það hjálpar okkur að halda athyglinni í hugleiðslunum.

Í hverjum tíma eru kynntar og gerðar nokkrar hugleiðslur. Þær eru gerðar mislengi eða frá 3 upp í um 11 mínútur þó flestar verði í styttra lagi. Inn á milli verða gerðar stuttar og léttar liðkandi teygjur. Í lok hvers tíma verður farið í 10 mínútna slökun. Gott að vera í þægilegum fötum sem þrengja ekki að líkama en jógafatnaður er ekki nauðsynlegur. Jógadýnur, púðar og teppi eru á staðnum.

Námskeiðið hentar byrjendum og lengra komnum og getur verið góður grunnur fyrir áframhaldandi ástundun. Þátttakendur fá minnisblöð með samantekt eftir hvern tíma. 
„Besta hugleiðslan er sú sem er gerð.“

Verð 12.500 kr.   

Skráning í síma 899 8588, netfangið hronn@thinleid.is eða smella á "Hafa samband" hnappinn hér fyrir neðan.
——

Um hatha jóga - “Traustur grunnur”

Hatha-yoga er hugsað sem undirbúningur fyrir hugleiðslu. Ef við eigum að geta setið tímunum saman og hugleitt (þó ekki væri nema í korter), þá þarf líkaminn að vera undir það búinn. Fljótlega finnum við fyrir verkjum og stirðleika og þá er einbeitingin sem þarf fyrir hugleiðslu rokin út í veður og vind. Hvort sem fólk ætlar að stunda hugleiðslu eða ekki þá geta allir nýtt sér ávinning af hatha-yoga ástundun en þeir helstu eru: betri líkamleg líðan, betri melting, aukin einbeiting, betri svefn, aukið andlegt jafnvægi og meira sjálfstraust. Margt fleira mætti nefna en í heildina erum við mun betur í stakk búin að takast á við amstur daglegs lífs.

Í stuttu máli:
Yoga eykur:  sjálfstraust, viljastyrk, næmni, einbeitingu, sjálfsþekkingu og getu til að sitja lengi í hugleiðslu.
Yoga bætir:  andlega og líkamlega líðan, svefn, meltingu, líkamsstöðu, samskipti og fleira.

Námskeiðið Þín leið með yoga: Grunnþekking á jóga kemur öllum að gagni í nútímasamfélagi, hvort sem ætlunin er að stunda það reglulega eða nýta það sem hentar hverju sinni. Margar leiðir eru til að ástunda jóga. Kynntu þér leiðirnar, prófaðu og veldu það sem þér henntar best á hverjum tíma í lífi þínu.